II. 2. Cepphus parturit. xxxiv

Κέπφος ὠδίνει, id est Larus parturit. Dicebatur in eos, qui pollicerentur ingentia, deinde nihil promissis dignum praestarent. Est enim larus avis multa plumarum copia circumtecta, caeterum carnibus exiguis ; pariens autem vociferatur. Recensetur adagium ab Aristophanis interprete, in comoedia, cui titulus Pax. Confine est illi : Parturiunt montes, nascetur ridiculus mus.

Index Adagiorum