I. 2. Memorem mones, doctum doces, et similia. xii

Identidem in Plautinis ac Terentianis comoediis occurrit : Memorem mones et doctum docesIdem pollet Graecanicum illud : Λαλεῖς πρὸς ἔχοντα τὴν ἐπιστήμην, id est Loqueris ei, qui ipse rem calleat, καὶ εἰδότι λέγεις,id estscienti narras. Plato in Hippia majore : Εἰδότι μὲν ἐρεῖς, ὦ Σώκρατες, id est Haec scienti, Socrates, narrabis. Euripides in Hecuba :

Οὐ καινὸν εἶπας, εἰδόσι δ᾿ ὠνείδισας,

id est

Dixti novum nil, sed probe scientibus

Haec opprobrasti.

Homerus cum alias aliquoties tum Odysseae Ρ :

Γιγνώσκω, φρονέω, τά γε δὴ νοέοντι κελεύεις,

id est

Et novi et teneo, jam narras ista scienti.

Idem Iliados Ψ de Nestore admonente filium :

Μυθεῖτ᾿ εἰς ἀγαθὰ φρονέων νοέοντι καὶ αὐτῷ,

id est

Dixit amico animo, licet haec per se sapienti.

M. Tullius libro Epistolarum ad Atticum nono : Mirandum enim in modum Cn. noster Syllani regni similitudinem concupivit, εἰδόσι λέγω.