Οὐκ ἐρήμας τρυγήσεις, id est Haud impune vindemiam facies. In eos competet, qui nullo servante impune decerpunt uvas. Aristophanes in Vespis :
id estἈλλ᾿ οὐκ ἐρήμας ᾤεθ᾿ οὕτω ῥᾳδίως τρυγήσειν,
Nam ἐρήμας Graeci fieri dicunt, quod fit nullo prohibente nulloque obsistente. Confine est illi, quod alio referemus loco :At ne existimetis vos adeo facile atque impune vindemiam facturos.
id estΓλυκεῖ᾿ ὀπώρα φύλακος ἐκλελοιπότος,
Solent enim vitibus et pomariis adhiberi custodes, praesertim autumno, cum jam maturi foetus furem invitant. Itidem dicunt ἐρήμην κατηγορεῖν καὶ ἐρήμην δίκην γράφειν et ἐρήμην νικᾶν, et ἐρήμην κρίνειν ἢ κατακρίνειν, quemadmodum indicavimus alibi.Est dulce pomum, verum ubi custos abest.