Adagiorum Chiliades

I. 2Oleum camino addere.ix

Affinem huic habet sententiam Oleum camino addere pro eo, quod est : malo fomentum ac velut alimoniam suppeditare, quo magis ac magis augescat. Horatius in Saturis :

Adde poemata nunc, hoc est, oleum adde camino,

[Serm., II, 3, 321] id est adde majoris insaniae materiam. Usurpat hoc divus Hieronymus ad Eustochium : Vinum et adulescentia duplex est incendium voluptatis. [Epist., XXII, 8, 2] Quid oleum flammae adjicimus ?