Χύτραις λημᾶν, id est Ollas lippire, proverbialis hyperbole, proximae simillima. Lucianus Adversus ineruditum et multos coementem libros χύτραις, inquit, λημῶντες, id est ollas lippientes, lacrimas indicans ollis aequales. Hoc adagium utrumque, quoties ad animum refertur, fit elegantius et jucundius ; veluti si quis hominem crassi judicii ac vehementer caecutientis et turpiter errantis dicat lippire non lemis, sed ollis.