Sine rivali diligere dicuntur qui stulte mirantur, quod nemo alius concupiscat, veluti simia catulos suos et miratur et amplectitur, et indocti poetae suas nugas soli diligunt. Sumpta est allegoria ab amantibus, quibus est amica deformis et quam alius nemo velit. Extat adagium in Epistolis Ausonianis. M. Tullius ad Atticum libro sexto : Hujus nebulonis oratione si Brutus moveri potest, licebit eum solus ames, me aemulum non habebis. Item lib. ad Qu. fratrem tertio : O dii, quam ineptus, quam se ipse amans, sine rivali. Horatius in Arte poetica :
Quin sine rivali teque et tua solus amares.Nullum ultra verbum aut operam sumebat inanem,