Adagiorum Chiliades

→

Liminaria [Titulus]

TYPOGRAPHVS LECTORI, ADAGIORVM CHILIADES DES. ERASMI ROTERODAMI

toties renasci spero aequis lectoribus esse gratissimum, quando semper redeunt tum auctiones, tum emendationes. In hac aeditione non magna quidem adiuncta est accessio, quod opus prope ultra justam magnitudinem excreuisse uidetur. Attamen loca quaedam vigilantiore cura pensitata sunt. Pulcherrimum victoriae genus, usque seipsum vincere. Vale et fruere

BASILEAE EX OFFICINA FROBENIANA AN. M. D. XXXVI.

[Versus liminares]

Perfacile est aiunt, proverbia scribere cuivis.

Haud nego, sed durum est scribere Chiliadas.

Qui mihi non credit, faciat licet ipse peridum.

Mox fuerit studiis aequior ille meis